أكاديمية عقول خاصة بالأم والطفل
فرحة اكتملت بدخولك معانا منتظرينك Smile ضع بصمتك للتغير
أكاديمية عقول خاصة بالأم والطفل
فرحة اكتملت بدخولك معانا منتظرينك Smile ضع بصمتك للتغير
أكاديمية عقول خاصة بالأم والطفل
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

أكاديمية عقول خاصة بالأم والطفل

اكاديمية عقول هي اكاديمية للأم والطفل .. الاشتراك للنساء فقط .... نعد الأمهات جيدا .. ليتمكنوا من تربية عقول المستقبل تربية سليمة على أسس دينية وبوعي عصري .... نرجو من الجميع أن تشاركونا بما لديكم
 
الرئيسيةالبوابةأحدث الصورالتسجيلدخول

 

 رحلتي مع آية ملاك متلازمة داون .الجزء 2

اذهب الى الأسفل 
3 مشترك
كاتب الموضوعرسالة
Ayah galal




عدد المساهمات : 16
إنجازك : 7
تاريخ التسجيل : 29/03/2015

رحلتي مع آية ملاك متلازمة داون .الجزء 2 Empty
مُساهمةموضوع: رحلتي مع آية ملاك متلازمة داون .الجزء 2   رحلتي مع آية ملاك متلازمة داون .الجزء 2 Emptyالثلاثاء مارس 31, 2015 8:43 pm

الحمدلله الذي ميزنا بإعاقة أبنائنا

في شهر يناير من 9سنوات رزقنا الله بطفلة جميلة وجهها ملائكي هي ثالث أولادي وكانت ولادتها قبل الموعد المنتظر بشهر كامل كانت بدون رموش بدون حواجب كل ملامحها صغيرة وزنها كيلو ونص وتم وضعها في حضانة المستشفي لمدة 18 يوم ليستقروزنها عند الوزن المناسب لخروجها من الحضانة كان بالنسبة للمستشفي 1800جرام وخرجت أنا من المستشفي بدونها وكان إحساس صعب جدا لأي أم خروجها من المستشفي بدون مولودها وأبلغونا بإستلامها بعد إكتما ل نموها ووزنها والإطمئنان عليها .
كنت أزورها مرتين في اليوم صباحا ومساء أجلس فترة معها أنا ووالدها نترقب براءتها ووجهها الملائكي الجميل وسماها والدها آية من شدة البراءة علي وجهها .إلي أن ذهبت يوم للمستشفي وسألتهم متي أستطيع إستلامها قالوا عندما تأتي تحاليلها من ألمانيا .فبدأ القلق عندي ,ليه ألمانيا بالتحديد وكان عندي فكرة مسبقة إن التحاليل الي بتروح ألمانيا خاصة بأمراض معينة ولم يهنأ لي بال وسألت الجميع لاأحد يعلم . طيب إنتوا شاكين في حاجة معينة .مرض معين. يقولوا لا ظاهريا مافي شئ هذا للإطمئنان فقط ؟
تأملت وجهها كويس مافيش أي شئ غريب شكلها نفس شكل أختها لما أتولدت
وانتظرنا علي قلق حتي أبلغوني الحضور للمستشفي لإستلام أبنتي .وذهبت وكلي فرحة وقلق في نفس الوقت .
أبلغني الطبيب إن أبنتي من الأطفال الداون سندروم ؟؟؟يعني إيه بنتي فيها إيه بالظبط ؟؟؟
قال لاتقلقي هتكون زي أي طفل طبيعي تاكل وتشرب وتتكلم وتمشي وتتعلم لكن هتكون متأخرة عقليا وفي النموعن الي في سنها .
طيب يادكتور يعني هتتأخر بنسبة كام ؟
قال مافي نسبة معينة يمكن سنة .سنتين أكتر هذا يتوقف علي حالتها الصحية وشغلك معاها من تدخل مبكر وتدريبات وشرح لي بإختصار ماهو الداون سندروم.
وسببه وجود كروموسوم زيادة عندها نتيجة خطأ أو خلل أثناء تكوين الجنين يعني كلنا عدد الكروموسات عندنا 46 هي عندها 47 نتيجة إنقسام الكروموسوم رقم 21 هو الي بيتسبب في وجود ملامح أو صفات معينة للطفل الداون.
خرجت من المستشفي وأنا في صدمة وصمت شديد أحمل آية ولم أنكر أني لم أبكي من الصدمة ولكن لم أعترض ’بكيت من خوفي عليها وعلي مستقبلها .
الناس هتتقبلها إزاي وهتتعامل معاها إزاي وخوفي عليها إن أي حد يأذيها لاقدر الله وأنا إذا توفاني الله مين يراعيها .
كل الكلام ده دار في خيالي وقتها.
لقيتني بحضن آية بشدة ودموعي علي خدي وبقول رضيت يارب رضيت يارب اللهم لك الحمد.
ووجدت زوجي يقابلها بكل الحب والرضي ويقولي دي أمانة أوعي تكوني معترضة أو زعلانة ده إختبار من ربنا لنا وإحنا راضيين.
بصراحة كلامة شجعني كتير جدا جدا.
وبدأ يعرف أصدقائنا إن ربنا رزقنا بطفلة داون ولم يخجل بالعكس كان بيفتخر بيها دائما.
وبدأنا رحلة البحث علي الإنترنت عشان نعرف كل حاجة عن الداون سندروم وكيفية التعامل معاه والأمراض الي ممكن يتعرض لها .
الجزء الثاني من رحلتي مع آية
وبدأنا رحلة الفحص الطبي من قلب وسمع وبصر وجهاز هضمي ووجدنا عندها ثلاث ثقوب في القلب وارتجاع بسيط في الصمام الميترالي لكن حالتها مستقرة ولا تحتاج لعملية مستعجلة فقرر الأطباء تأخير العملية لعل وعسي الثقوب تقفل لوحدها .وبالصدقة والدعاء وبفضل الله ثقبين إتقفلوا لوحدهم والثالث مكانه كان من الصعب يقفل لوحدة ولازم تدخل جراحي لما تكبرويزيد وزنها
وبعد شهرين من ولادتها بدأت معها التدخل المبكر .كنت أذهب بها للعلاج الطبيعي لتقوية العضلات عشان معظمهم عندهم إرتخاء في العضلات.
والتخاطب والعلاج الوظائفي ثلاث مرات أسبوعيا .بخلاف العيادات التخصصية .
قابلت أمهات كتير أولادهم وبناتهم نفس حالة آية كانت منهم من راضية وساكته ومنهم من ساخطة ومعترضة وتقول مافيش فايدة.
كلمة مافيش فايدة قتلت جوة طفلتها أي محاولة للتطوير بكل أسف .
أخبرني الطبيب التأهيلي كلما عاملتي بنتك طبيعي زي أخواتها هتبقي طبيعية والناس هتتعامل معاها كده زيك بالظبط والعكس صحيح
بذلت كل جهدي معاها وعاملناها طبيعي جدا وده فعلا حسن كتير من تطورها وذكائها وزود ثقتها بنفسها .
الجزء الثاني من رحلتي مع آية

آية أخدت 3 سنوات من عمرها في تدريبات وجلسات وبعدها 6 شهور كان في الديكير يوميا .بعدها بلغوني في القسم التأهيلي إن دورهم إنتهي لغاية هنا وضروري أدور لآية علي روضة أو حضانة عشان تندمج في وسط أطفال أصحاء لزيادة تفاعلها ودمجها في المجتمع .
ومن هنا بدأت رحلة جديدة من المعاناة في الحياة.
لفيت بيها علي الروضات مابين رفض وقبول حتي تم قبولها وطلبت منهم أول عام مش عايزة أعلمها أكاديمي أنا طالبة منكم فقط إدماجها مع الأطفال وتدريبها علي النظام إستماع وتنفيذ الأوامر عشان تقدر في سن المدرسة تبقي منضبطة سلوكيا .وتعاون معي القسم التأهيلي بالمستشفي وأرسلوا متخصصة لتدريب المعلمة كيفية التعامل مع آية.
أستمرت آية في الروضة 3سنوات كاملة تعلمت فيها زي كل الأطفال .
والآن آية في الصف الثالث الإبتدائي تدرس في مدرسة مستقلة تطبق الدمج متفوقة أشعر بسعادة رهيبة لما أسمع مدح معلمات آية فيها .(بنتك ماشاء الله عليها روووعة)
قال لي أحد الأطباء المتابعين لآية .آية وصلت لكده عشان إنتي أمها ….. ياسلام فرحتي لاتوصف اللهم لك الحمد يارب دلوقتي حسيت إني فعلا تعبت ونتيجة تعبي بدأت تظهر علي آية.
آية عملت عملية القلب المفتوح وأتم الله شفائها علي خير.
آية هي سر سعادتنا وفرحتنا بخفةدمها .إجتماعية جدا . حبوبة ربنا يخليكي لينا ياعمري ونقدر نوصل بيكي لبرالأمان.
أشكر كل من تعاون معي في رعاية وتأهيل آية جزاكم الله كل الخير في الدنيا والآخرة.أشكرمن قدم لها الحب والإهتمام والمعاملة الحسنة.
رسالتي لكل أم وأب أنعم الله عليهم بطفل مختلف عن إخواته أن الرضي بما قسمة الله لنا هوأهم وأول شئ .
تقبل أبنك أوبنتك بكل حب وسعادة ولاتواريه عن عيون الآخرين فهو محتاج للإندماج في المجتمع.
رسالتي للمجتمع أرجوكم أطفالنا مثل أطفالكم تماما عاملوهم بلطف وحب وليس شفقة وإحسان .نحن لانحتاج للشفقة علي أولادنا نحن فقط نريد معاملة حسنة .جزاكم الله خيرا
أم آية متلازمة داون


usp=sharing
الرجوع الى أعلى الصفحة اذهب الى الأسفل
Shaymaa Al-okaily




عدد المساهمات : 155
إنجازك : 18
تاريخ التسجيل : 23/02/2015

رحلتي مع آية ملاك متلازمة داون .الجزء 2 Empty
مُساهمةموضوع: رد: رحلتي مع آية ملاك متلازمة داون .الجزء 2   رحلتي مع آية ملاك متلازمة داون .الجزء 2 Emptyالأربعاء أبريل 01, 2015 8:08 am



انهادرة مهمتنا لازم تخرج من نطاق الرؤية والقراءة والبكاء والزعل

للمساندة واننا نقف جنب بعض

حق الناس علينا نسندهم

وحقنا عليهم يساعدونا

وانهاردة حقنا نقف حنب بعض
الرجوع الى أعلى الصفحة اذهب الى الأسفل
علا حجازى




عدد المساهمات : 8
إنجازك : 5
تاريخ التسجيل : 01/04/2015

رحلتي مع آية ملاك متلازمة داون .الجزء 2 Empty
مُساهمةموضوع: رد: رحلتي مع آية ملاك متلازمة داون .الجزء 2   رحلتي مع آية ملاك متلازمة داون .الجزء 2 Emptyالأربعاء أبريل 01, 2015 6:39 pm

انتى احلى ام لاحلى بنوتة ربنا يبارك لك على مشوارك اللى فات ويقويكى على اللى جاى وان شاء الله هتشوفيها بنت تقدر تعتمد على نفسها وتفيد نفسها وتجبر المجتمع على احترامها والنظر ليها نظرة مختلفة
الرجوع الى أعلى الصفحة اذهب الى الأسفل
Shaymaa Al-okaily




عدد المساهمات : 155
إنجازك : 18
تاريخ التسجيل : 23/02/2015

رحلتي مع آية ملاك متلازمة داون .الجزء 2 Empty
مُساهمةموضوع: رد: رحلتي مع آية ملاك متلازمة داون .الجزء 2   رحلتي مع آية ملاك متلازمة داون .الجزء 2 Emptyالخميس أبريل 02, 2015 7:40 am

علا حجازى كتب:
انتى احلى ام لاحلى بنوتة ربنا يبارك لك على مشوارك اللى فات ويقويكى على اللى جاى وان شاء الله هتشوفيها بنت تقدر تعتمد على نفسها وتفيد نفسها وتجبر المجتمع على احترامها والنظر ليها نظرة مختلفة

عندك حق Smile

هي من احلي الامهات اللي شفتهم Smile
الرجوع الى أعلى الصفحة اذهب الى الأسفل
Ayah galal




عدد المساهمات : 16
إنجازك : 7
تاريخ التسجيل : 29/03/2015

رحلتي مع آية ملاك متلازمة داون .الجزء 2 Empty
مُساهمةموضوع: رد: رحلتي مع آية ملاك متلازمة داون .الجزء 2   رحلتي مع آية ملاك متلازمة داون .الجزء 2 Emptyالجمعة أبريل 03, 2015 6:07 pm

جزاكم الله كل خير ربنا يبارك فيكم وأتمني تدعولي وتدعولها بظاهر الغيب نكمل مشوارنا علي خير بإذن الله
الرجوع الى أعلى الصفحة اذهب الى الأسفل
Shaymaa Al-okaily




عدد المساهمات : 155
إنجازك : 18
تاريخ التسجيل : 23/02/2015

رحلتي مع آية ملاك متلازمة داون .الجزء 2 Empty
مُساهمةموضوع: رد: رحلتي مع آية ملاك متلازمة داون .الجزء 2   رحلتي مع آية ملاك متلازمة داون .الجزء 2 Emptyالسبت أبريل 04, 2015 7:39 am

Ayah galal كتب:
جزاكم الله كل خير ربنا يبارك فيكم وأتمني تدعولي وتدعولها بظاهر الغيب نكمل مشوارنا علي خير بإذن الله

ربنا يبارك فيكم وعليكم ويجعلكم مباركيين اينما كنتم

منتظرين منك كل المعلومات عن كل شئ

عن لحظات كتير مرتي بها عشان نتعلم ونعلم غيرنا ونغير نظرتهم لكل حاجة خاصة بالاطفال
الرجوع الى أعلى الصفحة اذهب الى الأسفل
 
رحلتي مع آية ملاك متلازمة داون .الجزء 2
الرجوع الى أعلى الصفحة 
صفحة 1 من اصل 1
 مواضيع مماثلة
-
» رحلتي مع آية ملاك متلازمة داون صور بنتي الجميلة :)
» كلمة من الادارة لأم آيه...متلازمة داون
» لقائنا في التليفزيون - رحلتي مع آية 3

صلاحيات هذا المنتدى:لاتستطيع الرد على المواضيع في هذا المنتدى
أكاديمية عقول خاصة بالأم والطفل :: ملكات المملكة :: أم محصلتش-
انتقل الى: