سماسرة الكلام يمتنعون :) لمي نفسك يا أم العريف

أخباركم يا بناويت

عامليين أيه؟؟؟

انهاردة هنتكلم عن سماسرة الكلام...

السمسار شخص ادخل في وساطة بين الناس عشان يساعد في عملية البيع والشراء والتسهيل لهم وامور كتيرة... أذن أهم صفة في الامر هي الامانة يعني أهم شئ يكون شخص صادق وأمين

جزء من السمسارة لا يلتزم بذلك

السمسار بيحلي ويوحش اللي هو عايزه لما يكون مصلحته فيه... يغير العلاقات ويحلي البضاعة لو له مصلحة.... حاجات مختلفة من الامور

سمسارة الكلام بقي هم اللي بينقلوا الكلام ويزودوا عليه او يقللوا منه او ينقلوه بصيغة وحشة ويفضلوا يجيبوا في سيرة دي وسيرة دي...ويحكوا عن دي ودي...ونفتح سوق القيل والقال

ولمي نفسك يا اما العريف وتعالي هنا عندي اخر اخبار صاحبتك اللي عملت فيك زمان .... ونعيش سؤ العلاقات المستمر

عزيزتي المرأة الجميلة والانسانة الرقيقة...متكونيش في يوم سمسارة كلام... أعرفي ان فمك جميل فلا تجعليه يتلوث بما يؤذي من سؤ الكلام

كوني قوية واجعل لكل شخص يلتزم بحاله من الامور... لما تكوني في مكان فيه ستات وحد بيتكلم عن حد حاولي تغيير دفة الكلام..تخيل انه هيكون كلام عنك اكيد... كما تدين تدان...لو حبيتي تحكي شئ في حق اي حد ...أسأل نفسك لو حصلت مواجهة بيني وبين الشخص هل هكون خجلانة انه يسمع الكلام دي عنه مني

فوقي عزيزتي ربنا خلق لينا لسان واحد فقط ولكن كان البلاء منه لو لم نأخذ الحذر والحيطة

حتي لو قطعتي علاقتك بشخص حاولي ان تلتزمي عنه في الكلام...وتكوني منصفة

حتي لو حد جالك ينقل كلام علي لسان غيرك عنك...وتيجي ام العريف تقولك دي فلانة بتقول في حقك..اوقفيها عند حدها وامنعيه انها تكمل... و روحي لفلانة وقوليلها انت قلتي عني كده .... مش تقوليلها أنت قلتي

لأ

قوليليه أنا زعلت كتير لما سمعت عني كلام منك .... عاتبي باسلوب راقي.... ولو عرفت ان الشخص هوايته السمسارة في الكلام... تفتكري تخليك صاحبة السمسارة ولا تبعدي عنها عشان لا تتعدي منها .... ابعدي عنها عشان الناس هتقلو عليك صاحبة سمسارة الكلام اهي .... تخيل والناس بتشاور عليك في الشارع

الكلام فيه نشوة غريبة وخصوصا لو اتكلمنا عن غيرنا... الشيطان بيحلي الامر في لسانا... لكن بيكون مر وعلقم لو خسرنا بسببه دنياتنا واحلي الناس علي قلوبنا

وبيكون جحيم لما يكون سبب هلاكنا في الاخرة

ربنا يعينا وانا اولكم عن ترك امر الكلام في حق الغير

أحبكم في الله

» ارقى أنواع الكلام
» متعملش نفسك شبعان - الموضوع الأول