زمااان وانا صغيرة سمعت ان ربنا بيوزع الأرزاق وانه ربنا عادل ،،وفضلت من يوم ما سمعت الجمله دي اتفرج عالناس واقول ؛طيب ازاي ده بيشحت ،،وده راكب عربيه ،،ده ليه معندوش ولاد ،،طيب ده ليه بيته كبير وده بيته صغير ،،وفضلت كده اراقب وأتساءل لحد ما كبرت شويه وعرفت (ان الرزق مش بس فلوس وعيال،،ان الرزق صحة وراحة بال ،،)لكن برده مستوعبتهاش اوي ،كان كلام نظري اكتر
دلوقتي بقي بعد ماكبرت اكتر ،،،وبدأت افهم الحقايق شويه بشكل اعمق ،،لقيت الموضوع فيه تفاصييييل كتييييير..
الرزق ده طلع ؛
فلوس (ياليك .ياعليك)
عيال(ياليك ،ياعليك)
صحة (ياليك ،ياعليك)
علم(ياليك،ياعليك)
وقت(ياليك،،يامنك)
الرزق صبر علي مصيبه وليك أجره بإذن الله
الرزق دعوة من قلب صادق ربنا سخره يدعيلك
الرزق حدث بسببه حياتك تتغير قبل فوات الأوان
الرزق بلد تروحها تغير فيك حاجه
الرزق بلد تسيبها يتغير فيك كتييير
الرزق شخص تقابله ياخد بإيدك لطاعة
الرزق شخص في حياتك لو مش بيساعدك كفايه انه جمبك
وكلها ارزاق لكن مسئولية ،،انت مسئول عن كل ده ،،كلها نقط ياتزود بيها رصيدك ،،يا تنقصه ،،زي جدول النجوم اللي بنعمله لولادنا
قبل ماتفرح بالنعمه افتكر انك هتتسأل عليها
اللي مجاتلوش النعمة اتعفي من السؤال ،،ويمكن يؤجر عالصبر
وقبل ماتزعل عاللي مش عندك احمد ربنا ،هم واتزاح من علي قلبك ،،منتاش ناقص حمل علي اكتافك
ركز فاللي عندك بس
الموضوع كبييييير
#لكيلا تأسوا علي مافاتكم ولاتفرحوا بما ءاتاكم