حصالة الحسنات

السلام عليكن ورحمة الله وبركاته
اول مرة اكتب في هذا المنتدى الرائع
ربنا يبارك يفكوا جميعا و يبارك في القائمين عليه
هحاول اكتب لكوا كل فترة عن حل مشكلة للأطفال او المساعدة في حل مشكلة او توجيه بطريقة مختلفة
يعني ان شاء الله نحل خارج الصندوق
اليوم هقول على حصالة الحسنات
اخذتها من مدرسة ابني في الكي جي و طورتها انا بطريقة تناسب البيت
المطلوب منكم حصالة لكل طفل في البيت و ترتر كبير ودا موجود عند المكتبات الكبيرة او عند الخردوات او بتوع القرطاسية ونوتة صغيرة لكل طفل
ملحوظات قبل البداية في التنفيذ
١/ لا يقارن الطفل بأحد اخوته أبدا او احد أقاربه او جيرانه
٢/مراعات سن كل طفل في وضع مقدار الحسنات
٣/ يجب الجلوس مع الأطفال و شرح موضوع الحسنات التي يكتبها الملائكة لنا
ندخل في شرح الموضوع
نقعد مع أولادنا وسنشرح لهم فكرة الثواب والحسنات التي تكتبها الملائكة وان هذه لعبة بسيطة كي نفهم الموضوع
نضع أمامنا اهم المشاكل اللي عاوزين الاولاد يتخلصوا منها واهم القوانين التي نريد ان نستمر عليها وايضاً اهم مميزات الطفل كي يشعر انه يحصل على بعض الحسنات بسهوله
مثلا تنظيم الغرفة بعد اللعب
اللي هرتب غرفته سوف أضع له حسنة في الحصالة ومن يرفض سآخذ من حصالته حسنة
عدد الحسنات متروك لتقدير الام حسب السن وكبر او صغر المشكلة
ممكن تزويد عدد الحسنات في حالة وجود مشكة صعبة الحل وذلك للتحفيز على الحل
لا تضعوا فكرة السيئات كي لا يحبطوا
حسنات تزيد و تنقص
اخر المدة المتفق عليها الاولى يفتح كل طفل حصالته و يجمع حسناته بنفسه و يسجل عدد الحسنات في البلوك نوت كي يتعلم الأمانة
من الفترة الثانية ضعوا مكافئة للأطفال لمن حصل على حسنات اكتر من حسناته في الفترة الاولى
أكرر ممنوع مقارنة طفل باي طفل اخر
لا تجعلوا المكافئات مادية و فقط ويستحسن ان نقللها جدا
ممكن تكون المكافئ كتاب او فسحة او انك تلعبي معاه لعبة

فكرة تحفة ورائعة يا شوشو

بس ممكن الطفل يشوفها ويفضل عليها لما يكبر...مينفعش نربطه بحاجات تانية غير كلمة حسنات

يعني بقصد انه لما يكبر وكل ما يعطي حد حسنة يبدأ يعد ولا انا متهيألي

لكن الفكرة حلوة وعجبتني

الموضع للمناقشة...

Shaymaa Al-okaily كتب:

فكرة تحفة ورائعة يا شوشو

بس ممكن الطفل يشوفها ويفضل عليها لما يكبر...مينفعش نربطه بحاجات تانية غير كلمة حسنات

يعني بقصد انه لما يكبر وكل ما يعطي حد حسنة يبدأ يعد ولا انا متهيألي

لكن الفكرة حلوة وعجبتني

الموضع للمناقشة...

بصي يا ستي انا معاها كنت بقول ان الصدقة تكون في السر و انك مينفعش تقول أو تكتب انا تصدقت بكذا علشان سيب حسناتها ربنا اللي يديها لك
احنا ممكن ناخذ حسنة من بتوع ماما على انك تصدقت بس مش عاوزة اعرف حطيت كام أو تصدقت بكام خالص
وبعدين فهميه أن دي ولا حاجة جمب حسناتك عند ربنا

خدي بالك ان الاولاد في السن الصغير مش بيحسوا بالأشياء إلا لما تكون مادية اكتر علشان كدة فكرة الحصالة هتفهمهم بطريقة مادية يعني ايه حسنات

Shaimaa Boghdady كتب:

Shaymaa Al-okaily كتب:

[center][b]انا عملت فكرة تانية

اسمها 100 نقطة

خليت كل واحد من اولادي معه 100 نقطة اذا عمل شئ حلو وساعد ياخد عدد من النقاط اللي اتفقنا عليه اذا عمل شئ مش حلو يقل عدد النقاط من عنده

مثال

ابني كان معه 100 نقطة ...راح لصحبه اتفقنا يرجع الساعة 4...رجع الساعة 6 ...عن كل ساعة تأخير خسر 5 نقاط بقي معه 90

بالليل شال الاكل في التلاجة وساعد زاد 5 نقاط وهكذا

اخر كل اسبوع بنشوف مين زود رصيده ومين قلل وبناءا عليه بيكون هناك مكافأة

ماشي مستنية افكار جديدة