حبة توازن يرحمكم الله .... :)

صباح الجمال علي البناويت الحلوين

عامليين أيه؟؟

ساعات بنتوه في الطريق ونسأل سؤال هو ايه اللي وداني هنا؟؟؟ هو ليه دي كله حصل؟؟؟ وهو انا جيت للدنيا ليه؟؟؟

فتعرفي في وقتها انك عندك قلق نفسي تعبك ومحتاجة تعرفي ترتيب اولوياتك وتعرفي ايه احتياجاتك وتعيد ترتيب ورقك عشان اولوياتك تكون معبرة عن احتياجاتك

عارفة انت كست عاملة زي ايه بعد مسئوليات البيت والاولاد والزوج والشغل...عاملة زي (صالة البيت)... الاكل فيها والهدوم مرمية والشوز محطوطة علي جنب والكنب مش مترتب...والعيال بتجري في صراعات...قيسي كل دي علي نفسيتك ...أذن لازم تقعدي كده وترتبي امورك ونفسيتك وتوازني حياتك كل فترة...اللي هي فترة ترتيب الصالة وتظبيطها.... الحياة لازم فيها توازن شديد عشان تكون عايشة في حياة لطيفة

حطي في اعتبارك ان ربنا خلقنا صحيح في كبد ...لكن ربنا لم يحدد وصف الكبد...يعني ربنا مقالش ان الكبد صعب او حلو او لذيذ او وحش... انت نظرتك للشقي والتعب والكبد انت المسئولة عنه.... يعني عروسة بتجهز فرحها اللي بعد اسبوع بتكون مطحونة لكن علي قلبها زي العسل... واحدة بتزور حماتها اللي في الشقة اللي جنبها رغم ان الموضوع مش متعب الا انها قرفانة وعلي قلبها تعاسة عشان مش طايقة حماتها وهكذا قيسي امورك

الحياة اصلها توازن؟؟

كان فيه مرة شاب عايز يتعلم الحكمة من حكيم ...فالحكيم قاله خد المعلقة اللي فيها نقطتين زيت ولف القصر بتاعي اتفرح ... اوعي توقع نقطتين الزيت..... المهم قعد ساعتين يلف...ورجع ...قام الحكيم سأله ...ها شفت الرخام والعصافير اللي في الجنينة...قاله لأ... سأله الحكيم...طيب شفت المطبخ والحلل المدهبة...قاله لأ... قاله يعني مش استمتعت... طيب روح لف واستمتع تاني ...الشاب لف ساعتين ورجع قاله الحكيم...استمتعت... الشاب قاله ايوه وشفت كل الحاجات الحلوة...رد الحكيم وفين نقطتين الزيت...بص الشاب عليهم لاقي نقاط الزيت وقعت...

عشان كده اتعلمي توازني نفسك...وتفوقي لها.... حبي حياتك .... تفتكر لو واحد كره نفسه اكيد هيظهر عليه من بره انه كاره نفسه...تفتكري حد هيحبه...

طبعا لأ

أذن انت اولي الناس بنفسك



فوقي عزيزتي ...خلقك الله ملكة ومن ضلع أدم... ووصفك رسولنا الكريم بالقارورة التي يحرص عليها كل الناس من شدة رهفها ورقتها وعذوبتها

تفتكري اوبرا وينفري سمرا وشكلها مش حلو بالمقاييس العالمية...( انا مش بقبح خلق ربنا لا سمح الله) لكن تفتكري ليه بتشوفها وتحسيها جميلة وحد حلو...عشان هي شايفة نفسها من جوا حلوة ..فاللي جواها اتعكس بره ....

تفقد المرأة جاذبيتها ولا يظهر عليها اي مظاهر الجمال مطلقا حينما تري نفسها داخليا انها قبيحة... دراسة حطيها حلق في ودانك

تخيلي انك ماسك كأس شفاف خالص جميل قوووي... لو حطيتي فيه بيبسي هتلاقي لونه اسمر ولو حطيتي فيه ميراندا هتلاقي لونه برتقالي... أذن انت شكل ما فيك من جوا مهما كان شكلك بره

بحبكم في الله

Shaymaa