أخباركم ايه يا بناويت
مع الوقت بتكتشف ان الكتابة وانك تكتب وتتحاور مع شخص بنية انك تتعلم وتفهم الاختلاف وتقرب منه بتفرق كتير معاك... الحوار والقرأة بتعطيك عمر اضعاف عمرك
نرجع تاني للنقطة الاساسية.....
وهو ان معظم الناس ممكن تكتب افكار علي التايم لاين ... علي جروب ... علي اي مكان... فحد يبدأ يشير الفكرة او ياخدها كوبي بست... وممكن تجتمع فكرة واحدة من اكتر من شخص ميعرفوش بعض..... وننقل وننقل لحد ما تضيع ملكية الفكرة... اغلبنا وانا اولكم بنقع في الخطأ دي ووارد حدوثه جدا ودي يجعلنا نحسن الظن بالغير لأنه ممكن عن جهل او شئ اخدها...او ممكن للحظ توارد ان شخصيين في مكانين مختلفين قالوا نفس الفكرة ودي وارد جدا
المغزي من اللي بحكيه ايه؟؟؟
وارد ان فعلا شخصيتين في مكانين مختلفين يكون عندهم نفس الفكرة... فدي لا يعني ان احدهم حرامي.... ووارد ان تتطابق الافكار والاهداف...لكن دي يعني ان ممكن يكون هناك توارد خواطر ولا يعني ان هناك اساءة لاحد مثل ان احدهم حرامي
معطم ما قابلت في حياتي... تتطابق الافكار لكن تختلف الية التنفيذ ويختلف التطوير
لأن في النهاية تختلف الرؤي ولا جدال في ذلك
من الممكن الا تكون صاحب الفكرة الاوحد لكن كن علي يقين ان تكون صاحب التنفيذ الاميز... فاحرص علي ذلك دائما
انت صاحب التطوير وصاحب النظرية الخاصة بك.... اتعلم .... طور نفسك باستمرار...
واعرف ان ربنا لم يخلقك حتي تدير الكون وتسيطر عليه.... دي مهمة ربك يدبر شأن الكون كله...ربنا وكلك في نفسك وراعيتك اللي هم أهل بيتك زكمل بجزء من العمل حتي تساعد غيرك... ويصل نفعك لغيرك...يعني كون زي قطرة مطر وقعت علي وردة في جو حار فامتصتها الوردة حتي تكمل حياتها حتي لو كانت قطرة المطر (خيرك) كان قليل فهو ساعد الغير بشكل كبير
سيطر علي حياتك الاول... ولا تقلق من سرقة الافكار ستظل انت صاحب التنفيذ الاميز لأنك مختلف في كل شئ حتي في وجهة نظرك ورؤيتك الامور... كن علي يقين بذلك
كن صاحب بصمة وتغيير.... بصمتك لتغيير أمتك.... وبالمناسبة انت تسطيع تغيير حياة من حولك بتغيير حياتك انت.... كن أنت البؤرة المضيئة في الكون
كن انت الجماعة حتي لو كنت بمفردك فالتغيير يبدأ بالحركة البطئية التي تقوم بها أنت
همة لرفع أمة