كلام الناس بيأثر فيك...تعالي اصورلك اعلان

طبعا في البداية أحب أناقش معاكم حاجة لطيفة جدا وقفتني كتير

هي ليه دايما بنسعي عشان نشوف رأي الناس فينا... وايه تفكيرهم عنا ونحارب عشان نغير وجهة نظرهم عنا عن طريق التبرير الكتير او الاسئلة او اننا نعمل بس اللي هم عايزينه منا

وقفت كتير وكنت بسأل نفسي ليه انا يهمني رأي الناس قوووي... لو حد اثني علي حاجة عملتها اكون اسعد واحدة في الكون ولو حد انتقد شئ بعمله حتي ولو باسلوب لطيف... الهم يكبس عليا

وافضل طول النهار محتارة.... هل انا حلوة ولا لأ... هل أنا كويسة ولا لأ؟؟؟ ع=هل بشتغل كويس والناس مبسوطة ولا لأ؟؟؟

وصلت لحاجات كتير قوووي في نفسي هلخصها في اللي جاي

1- من كتر الفرجة علي التليفزيون والاعلانات اللي بنسمعها والبنوتة الحلوة اللي بتهز شعرها انه بقي جدايل بقينا بنتمني نشوف نفسنا في البنوتة دي.... بيقنا نشوف اللحظات الحلوة كأنها فيلم لطيف لما يحصل لغيرنا لكن لا نقتعنا بحلاوته لو حصل لينا.... مثال بسيط واحدة و جوزها كانوا في محل جزم... وبعدين وطي علي ركبته لبسها الجزمة.... فواحدة شافتهم قعدت تتحسر علي الرغم من قبل الامر دي بدقايق جوز الست اللي كانت بتتحسر كان بيقولها انت تهبلي لما لبستي الجزمة دي وبان عليك الحلاوة.... لأننا اتعودنا نتفرج علي غيرنا ونشوف الافلام ومنعش اللحظة الحلوة بتاعتنا...اتعلمنا نتفرج ونتمتع بلحظات غيرنا رغم انه بيمر عليك نفس اللحظات بكل ما فيها... التليفزيون علمنا ازاي نتمتع بلحظة غيرنا ولا نهتم بها لما تعدي قدمنا لحظتنا ...حتي لو حصل مش بيكون في نفس لحظة الحدث بعدها بكتير

2- اتعودنا ان في حياتنا ناس هي اللي تدير حياتنا يعني في الفصل يكون هناك الولد القيادي الوحيد واللي محدش يقدر يجادله ونتلم حواليه او حواليها ونكون دايما احنا اصحاب ادوار السنيد...اتعلموا انكم ابطال في حياتكم ... انت مش سنيد لحد...ربنا خلقك لانك مميز..حياتك ملك لمرة واحدة ربنا مللك عليها...كنا بطلها ومتكونش سنيد لحد يطلع علي قفاك... لكن كن متعاون كنا بنفس كفاءتك واخدم غيرك مش لانك اقل منه لأ... لأنك شخص ربنا اختاره بالمهارات دي عشان هيؤدي المهم اللي اتخلق عشانها...كل اتخلق للي يقدر يعمله

3- اسمعي الكلام..حاضر... اوعي تعمل غلط ... حاضر... مرات عمك هتقول علينا ايه... حاضر...اوعي تفتحي بوقك...حاضر... مرات خالك هتقول...جارتنا هتحكي... اتعودنا نخاف من الناس ومن كلامهم... عشان انتشرت الغيبة والنميمة لأننا اجبن من اننا ننقد الشخص في وشه باسلوب يليق فاستسهلنا اننا نحكي في الضهر.... اصل محدش هيرد علينا ولا يتكلم.... لكن قوة الشخص من قدرته علي توصيل نقده باسلوب هدية راقية مهذبة تفرق مع الناس وتغيير حياتهم للافضل

4- لو انا وقفت قدام مرايا لونها اسمر هيطلع شكلي ايه...اكيد سمرا...ولو وقفت قدام مرايا معوجة هيطلع شكلي ايه معوجة... ولو وقفت قدام مرايا مقعرة هيطلع شكلي ايه؟؟؟ ... كل مرايا هتشوفني وهشوف فيها نفسي حسب المرايا...وكل شخص هيشوفني حسب اللي في نفسه...يعني لو جوزك فاشل وانت ناجحة هيشوفك فاشلة...ولو جوزك ناجح هيشوفك ناجحة...ولو حماتك اتقهرت سنين هتكون عايزة تقهرك زي ما مرت... اذن زي ما المرأة هيكون شكلها هتحاول وتخليك شكلها فخلي بالك من الخداع البصري والنفسي اللي هيخلك بك

فيه امور كتير كفاية كده انهاردة

فينكم

عجبني جدا المقال دا

هبه كتب:: عجبني جدا المقال دا

تسلمي يا عمري علي تشجيعك

هبه كتب:: عجبني جدا المقال دا

تسلمي يا عمري علي تشجيعك

المشكلة ياشوشو ساعات بتبقي في العكس ،،ان الناس شيفاني كويسه وانا مش مقتنعه ،،،ودايما اقول لنفسي هما مش عارفين الحقيقه انتي اللي عارفه ،وطبعا رغم كده بيفرق مدحهم اكييييد ،،ودي مشكله كبيرة

Reham Abouzeid mamet leen كتب:: المشكلة ياشوشو ساعات بتبقي في العكس ،،ان الناس شيفاني كويسه وانا مش مقتنعه ،،،ودايما اقول لنفسي هما مش عارفين الحقيقه انتي اللي عارفه ،وطبعا رغم كده بيفرق مدحهم اكييييد ،،ودي مشكله كبيرة

فعلا مشكلة

لأن كده انت مش مقدرة نفسك حقها

ولازم تعرفي ان من فضل الله اللي لابد ان نحمده عليه ان اظهر للناس الحلو اللي فينا ودي اللي ربنا اعطه ليك... ليه هتبخسي حقك وانت شخص بيحاول يقف جنب الناس Smile

» موهبة للبيع...موهبتك ايه؟؟ تعالي قولي لنا ووريني شغلك :)