الشبشب وانا والعيال والمذاكرة... وأنتم كده زي :)

اخباركم؟؟؟ عاملين ايه يا بناويت؟؟

انهاردة عايزة أحكيلكم عن تجربة مذاكرتي مع العيال...تجربة كل أم فينا

كل يوم انا بتخانق ذاكر ... ذاكري... ونتخانق ونتعصب

تعبت جدا من الامر

لكن تجربتي انهاردة كانت مختلفة تماما

من كام يوم بنتي عندها مادة الدراسات الاجتماعية... وهي عايزة حد يشرحلها فيها

في غالب الامر بعمل زي اي ام مصرية اصيلة

اجعجع واصوت والم الناس عليا

حرام عليكم مش بتذاكروا ليه؟؟؟

بتعملوا فيا كده ليه؟؟

وطبعا زي التوتو اقعد اذاكر وانا بنفخ وازعق فيها.

لكن المرة دي...قررت ان هعمل ريلكس لاعصابي وانا بذاكر

عملت تغيير لمودي في نفس الوقت وققرت ان هذاكر وانا مبتسمة واحنا بنضحك وبدل ما احس بالقهر ناتج الموضوع قررت اني هكون سعيدة اني اخدت وقت مع عيالي

لاول مرة احاول ابص للامر بشكل ايجابي من منظور مختلف واغير طريقتي في شرح الامر ليهم

و اول مرة بلا فخر اخرج سعيدة فوق الوصف من التجربة

وبنتي تحب القعدة معايا ونتناقش في موضوعات مختلفة

أذن نظرتنا للامور هي اللي بتحدد رد فعلنا

انظر للامر بطريقة ايجابية هتكون سعيد رغم انه ثقيل علي نفسك

Shaymaa

[center]

[/center]

انا كنت كده،، بس الحمد لله اتحسنت كتيييير،، وفعلا ابني مستوي تحصيله زاد ونفسيته اتحسنت كتير،

Sally Abd Elmoaty كتب:: انا كنت كده،، بس الحمد لله اتحسنت كتيييير،، وفعلا ابني مستوي تحصيله زاد ونفسيته اتحسنت كتير،

وانت كمان نفسيا هتتحسني كتير وهتشعري بسعادة بالقرب من اولادك

انا بدأت احس بفرق كبير فعلا Smile

الله المستعان

ممتاز
فعلا نفسيتنا واحساسنا بيتنقل للطفل
بيحس ان المذاكرة تقييييييله على ماما يبقى انا مش هقدر اشيلها
ربنا يعيننا على تربيتهم و ع المذاااااااكرة Smile

سمسمه كتب:: ممتاز
فعلا نفسيتنا واحساسنا بيتنقل للطفل
بيحس ان المذاكرة تقييييييله على ماما يبقى انا مش هقدر اشيلها
ربنا يعيننا على تربيتهم و ع المذاااااااكرة

شرفتيني يا سمسم Smile

روحي شوفي انجازاتك بقوا كام Smile

فعلا كلام صحيح والله أنا كمان قررت كده من فترة مش بس في المذاكرة لا في كل موقف مع ولادي بقيت باردة معاهم جدا ولقيت أعصابي أهدأ وهم كمان مبسوطين من كده بنحل كل حاجة في هدووووء تام الحمدلله

Ayah galal كتب:: فعلا كلام صحيح والله أنا كمان قررت كده من فترة مش بس في المذاكرة لا في كل موقف مع ولادي بقيت باردة معاهم جدا ولقيت أعصابي أهدأ وهم كمان مبسوطين من كده بنحل كل حاجة في هدووووء تام الحمدلله

فعلا نفسيا فرق كتير

ربنا يعينا ويخلينا نكمل صح معاهم Smile

» الكايزن والتغيير وانا ... :)