أكاديمية عقول خاصة بالأم والطفل
فرحة اكتملت بدخولك معانا منتظرينك Smile ضع بصمتك للتغير

أكاديمية عقول خاصة بالأم والطفل

اكاديمية عقول هي اكاديمية للأم والطفل .. الاشتراك للنساء فقط .... نعد الأمهات جيدا .. ليتمكنوا من تربية عقول المستقبل تربية سليمة على أسس دينية وبوعي عصري .... نرجو من الجميع أن تشاركونا بما لديكم
 
الرئيسيةالبوابةاليوميةس .و .جبحـثالأعضاءالمجموعاتالتسجيلدخول

شاطر | 
 

 نهاية الطريق مش من الكنترول.... انت صاحبة القرار والنتيجة مش عندك :)

اذهب الى الأسفل 
كاتب الموضوعرسالة
Shaymaa Al-okaily



عدد المساهمات : 155
إنجازك : 18
تاريخ التسجيل : 23/02/2015

مُساهمةموضوع: نهاية الطريق مش من الكنترول.... انت صاحبة القرار والنتيجة مش عندك :)   الأحد أبريل 05, 2015 7:55 am


كل يوم بزعل من نفسي عشان كان لازم اكون افضل واحدة في كل شئ

وكل يوم اتخانق مع نفسي وانكد عليها... وكمان علي العيال...

هل لازم اوصل لنهاية الطريق ولا اموت عليه؟؟؟ دي السؤال اللي لازم تتعلمي تسأليه لنفسك

الكون مليان ناس كتير مميزة وانت واحدة منهم...لو كنت متشابه مع حد ...ربنا هيخلقك ليه؟؟؟

ربنا خلقنا متشابهين في كل شئ لكن كل واحد فينا له وظيفة مختلفة وله دور في الدنيا دي مختلف... حتي لو تشابهت الادوار كل واحد فينا بيؤدي الدور بدرجة اتقان مختلفة

قصة الرجل اللي قتل 99 نفس كما اخبرنا الرسول عنها.... لما راح للعابد وسأله هل لي من توبة ... ولان العابد كان بيعبد الله عن حب فقط بدون علم عن الله ... استنكر ان ممكن ربنا يدخل واحد قتل 99 نفس الجنة من الاساس.... فخلي الرجل يأس ولأن الرجل يأس قتل العابد وقال مفرقتش مهو انا كده كده لن تصيبني رحمة الله

ومشي لحد ما وصل للعالم... اللي عبد الله عن علم وعن حب ...لأن العلم يؤدي للحب ... فقال له العالم لك توبة ... اهجر قريتك لأن كلها معاصي واذهب الي القرية الاخري فيها اناس يعبدون الله ...

ومشي ومات في الطريق ولم يصل واحتكم الملائكة هل يدخل الجنة ام يدخل النار...ودخل الجنة لأنه كان اقرب للقرية الصالحة من القرية العاصية

ايه النقاط اللي ممكن نستفيدها من القصة

1- ان امشي في الطريق الصح قدر الامكان فقط.....

2- النتيجة مش عند حد ولا تقدري تاخديها من الكنترول...النتيجة دي هتكون عند ربنا أما هيوفقك علي عين حياتك وتشوفي نتيجة اعمالك..أما هتظهر النتيجة بعد موتك ويستفيد بها غيرك وفي كل الاحوال تؤجري في الاخرة

3- النوايا الصالحة تساعد علي اداء العمل وتجعله صالح اذا ظلت علي صدقها قدر الامكان (لذلك النوايا عايزة تجديد كل يوم)

4- محدش هيعرف ايه اللي ممكن يحصل في حياته الا لما يبدأ تغيير .... Nobody knows

5- اتعلمي انك تحاول تلاقي في حياتك اللي يشجعك انت حتي لو كانت كلها سواد زي ما انت شايفها ...دعبسي علي النقطة اللي نسي السواد يلونها

6- انت صاحبة القرار محدش غيرك... وانت اللي في ايديك توقفي اي مهزلة مهما كان حجمها

7- اي قرار في الكون له ايجابيات وسلبيات... اهم شئ ان قرارك يكون صادق من نفسك انت ...مفيش قرار وحش خالص ولا حلو كيوت موت

8- كلمة بتهد الموازين تقتل ناس وتساعد ناس... اتعلمي تختار الكلمة ....انت شخص مهم واهميتك من كلمتك

امور كتير هنستفيد بها لو بدأت عجلة التغيير...مش لازمن ندرك النتيجة لكن علي الاقل نموت علي الطريق الصح قدر الامكان

العلماء زمان كانوا بيقولوا ان الاحسان اعلي المراتب او الانسان لازم يتقن المراتب اللي قبله في اي كل الاعمال قبل ما يوصل مرتبة الاحسان لكن مع الوقت عرفنا واتعلمنا كلنا ان علي الاقل أبدأ بعمل واحد وحاول تكون محسن فيه

ما هو الاحسان بنظري ( هو ان تجعل اي عمل/مكان/اي حيز تشغله احسن مما كان فيه وقت دخولك حتي لو كنت هتخرج منه وستتركه لغيرك يكمله...لأنك اديت حق الله وراعيت الله كأنك تراه فإن لما تكون تراه فإنه يراك...واتقنت ... ان الله يحب اذا عمل احدكم عملا ان يتقنه )

ياريت تحسن لنفسك قبل ان تبدأ بالاحسان لغيرك

لو احسنت الي نفسك تحملت غيرك وغيرت كل شئ الدليل علي كده في الدعاء الرسول امرنا ندعي لنفسنا في البداية وبعد ذلك نشمل المسلمين في الدعاء

أبدأ بنفسك وتغير لا أحد يعرف نهاية الطريق (مش نتيجة هتيجي من الكنترول) الاهم تمشي في الطريق الصح Smile

Shaymaa

الرجوع الى أعلى الصفحة اذهب الى الأسفل
خديجه سليمان حسن حبشي



عدد المساهمات : 9
إنجازك : 1
تاريخ التسجيل : 24/04/2015

مُساهمةموضوع: رد: نهاية الطريق مش من الكنترول.... انت صاحبة القرار والنتيجة مش عندك :)   الجمعة أبريل 24, 2015 10:46 pm

اضيف الي التعليق السابق عن عباره الاخت العززه ( لازم اكون افضل واحده في كل شئ )وددت ان اهمس في اذن اي واحده تشعر بذلك .......اولا ان الكمال لله وحده سبحانه .. ايضا يقول ربنا حل علاه ( وخلق الانسان ضعيفا ) .. ثانيا : عند البحث عن الكمال علينا ان نعرف انه ليس بالشئ الجيد علي طول الطريق فللكمال شقين احدهما اذا سعينا الي احسان العمل جاهدين  ما استطعنا ثم اذا بنا نكتشف ان به احد العيوب او اكثر فعلينا حينها ان ننظر للامر ببساطه ونعرف اننا نستحق الشكر لاننا بذلنا طاقتنا وجهدنا ما استطعنا .. وهذا يكفي حتي وان جاءت النتيجه باقل من الكمال .. ان انت شعرت بذلك وشعرت بالرضا والتقدير لذاتك علي حصولها اقل من الدرجه النهائيه فانت انسانه سويه .. تدركين اننا بشر وان الخطا وارد ... في هذه الحاله انت انسانه سويه
اكا اذا ما شعرتي بذلك ورحتي تتالمين من هذا النقص وتنظرين لنفسك نظره دونيه فان ذلك هو الشق الثاني من الكماليه وهي (الكماليه العصابيه ) والتي تعد اضطراب نفسي وسلوكي يستوجب العلاج .. لماذا ؟؟؟
بعض الاباء والابناء يربون ابناءهم ليكونوا كاملين فلا يقبلون منهم غير الكمال .. فان هو حصل علي ٩ درجات من ١٠ .. راحوا يوبخونه او في احسن الاحوال يسالونه لماذا ضاعت منك درجه كامله ؟؟؟؟؟؟ هنا هم يقدمون ابناءهم قرابين علي مذبحه الكماليه .. ويطلبون منهم مالايطيقون .. ايضا ينشا الابناء في بعض الاسر في حال من الطاعه العمياء والحمايه الزائده وعدد لانهايه له من الينبغيات في حال استبداد الوالدين او احدهما فينشئ الابن وهو محمل بالنزوع للكمال وان يكون الافضل وهيهات ان يصل لذلك فان اسلوب التربيه السابق لا ينشئ الا ابناء يرفضون المغامره ويخافون الفشل ويتلكؤن اكاديميا وغير اكاديميا في اداء. واجباتهم ..ويصابون بالقلق من المستقبل وحتي ان كانوا شخصيات انبساطيه مرحه كانوا عصابين محملين بالاكتئاب والمرض النفسي ..
من اجل ذلك علينا ان نخفف من نظرتنا للوصول للكمال ..وان نتقبل انفسنا كما هي نبذل جهدنا لنكون جيدين ونرضي عنها في كل الاحوال والله المستعان Sad
الرجوع الى أعلى الصفحة اذهب الى الأسفل
Shaymaa Al-okaily



عدد المساهمات : 155
إنجازك : 18
تاريخ التسجيل : 23/02/2015

مُساهمةموضوع: رد: نهاية الطريق مش من الكنترول.... انت صاحبة القرار والنتيجة مش عندك :)   السبت أبريل 25, 2015 8:31 am

الكمال ليس الطريق..المحاولة والخطأ هو الطريق للوصول... محاولة ان نكون افضل مما سبق مهما كانت الاخطاء

رائعة ومميزة انت دكتورة خديجة
الرجوع الى أعلى الصفحة اذهب الى الأسفل
 
نهاية الطريق مش من الكنترول.... انت صاحبة القرار والنتيجة مش عندك :)
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
أكاديمية عقول خاصة بالأم والطفل :: ملكات المملكة :: حياتك غير-
انتقل الى: