أكاديمية عقول خاصة بالأم والطفل
فرحة اكتملت بدخولك معانا منتظرينك Smile ضع بصمتك للتغير

أكاديمية عقول خاصة بالأم والطفل

اكاديمية عقول هي اكاديمية للأم والطفل .. الاشتراك للنساء فقط .... نعد الأمهات جيدا .. ليتمكنوا من تربية عقول المستقبل تربية سليمة على أسس دينية وبوعي عصري .... نرجو من الجميع أن تشاركونا بما لديكم
 
الرئيسيةالبوابةاليوميةس .و .جبحـثالأعضاءالمجموعاتالتسجيلدخول

شاطر | 
 

 عملت فيها اخصائية تخاطب وتعديل سلوك

اذهب الى الأسفل 
كاتب الموضوعرسالة
سمسمه



عدد المساهمات : 14
إنجازك : 8
تاريخ التسجيل : 28/03/2015
العمر : 27

مُساهمةموضوع: عملت فيها اخصائية تخاطب وتعديل سلوك   الأحد مارس 29, 2015 8:04 pm

السلام عليكم ورحمه الله وبركاته

النهاردة اول يوم ليا فى المنتدى الرائع دة
حبيت اول مشاركه اكتبها تكون تجربة ناجحه مريت بيها وحابه افيد بيها القمرات اللى هيقرأو موضوعى لعل وعسى تكون واحده منكم بتواجهها نفس المشكله وتعرف ان مفيش حاجه اسمها صعب او مستحيل
نبدأ الحكايه بتفاصيل صغيره
انا ام عاديه متعلمه (لكن ما كنتش مثقفه) وياريت تحطو تحت مثقفه دى مليوووون خط
التعليم والشهادة حاجه والثقافه حاجه تانيه خاااااااااالص
المهم المشكله اللى قابلتنى مع بنتى الكبيرة كنت ام لاول مرة ما اعرفش معلومات كتير فاهمه ان الطفل دة ياكل ويشرب ويقعد يلعب مع نفسه و ابقى انا كدة ام شاطرة طالما بنتى قاعده بتلعب وهاديه مع نفسها
بحكم الغربه والوحده طول اليوم بابى مقفول عليا انا وبنتى لا بشوف حد ولا حد بيشوفنى ولا بنتى بتشوف اطفال الا مرة فى الاسبوع لما بنخرج
بدأت بنتى تكمل سنتين و كلامها قليل جدااااااا وكل ما تشوف اطفال لازم تتخانق معاهم وتضربهم و بدات الاحظ فهيا طبع الانانيه
واقول يارب ايه اللى حصلها دى هاديه فى البيت وغلبانه
واكتشفت الطاااااامه الكبرى
بنتى متأخرة فى الكلام شويه - أنانيه شويتين تلاته عشـــــــــــــــرة - عنيفه جداااااااا
طب اعمل ايه ؟؟
طبعا اكتئبت وكل موقف يحصل مع بنتى وتضرب طفل ببقى هتجنن
وبدأت ادور على اخصائية تخاطب وتعديل سلوك اودى بنتى ليها او اجيبها البيت عندى تعالج بنتى و تبقى اهدى شويه حتى لو هدفع مبلغ كبير مش مهم المهم بنتى تبقى طفله هاديه وتحب الاطفال لانها مش بس بتبقى انانيه معاهم لا الجديد انى خلفت بنت تانيه والكبيرة بقت متسلطه جدااااا على الصغيرة
مش عاوزة تسيبها تلعب ولا تاكل ولا حتى بتخلينا نشيلها
دورت كتير و يوم ما الاقى اخصائيه تكون مش فاضيه او الاقى فى مكان بعييييد عن بيتى
بس زى ما بيقولو (لم أيأس أبداااااا )
قولت ليه انا ما اعدلش سلوك بنتى ؟ ماحدش هيحس بيها ويفهمها اكتر منى وبالتالى ماحدش هيقدر يعدل سلوكها افضل منى
طب انا مشكلتى ايه؟؟؟
مشكلتى انى مش عارفه اعمل معاها ايه علشان تتكلم كويس - تبطل انانيه - تبطل عنف وتحب الاطفال !!
طب انا ناقصنى الثقافه ؟ ناقصنى اكون مثقفه وعندى معلومات تفيدنى فى تربية بنتى وتعديل سلوكها؟؟
طب والحل ؟
الــــــــــــــــــــــــــنت
ايوة يا قمرات النت اللى موجود فى كل بيت دلوقتى
شبكة المعلومات اللى مش بنستفيد منها حاجه غير اننا ندور على طريقة عمل صينية البطاطس باللحمه الضانى او صينية اللازانيا  Evil or Very Mad
(طبعا دة موضوع تانى عاوز له قعده حلوة )
قررت وحطيت قدامى هدف وسعيت فى تحقيق هدفى بعد ما توكلت على الله واستعنت بيه
بدات ابحث عالنت على مقالات علميه وفيديوهات على اليوتيوب اعرف منها ازاى اتصرف مع الطفل العنيد وايه سبب تأخر بنتى فى الكلام وازاى اعالج التأخر دة
ووصلت للآتى :
تأخر الكلام انا السبب فيه
-سبتها قدام التليفزيون فترات طويله والمفروض الطفل العادى يقعد اقصى حاجه ساعتين لو مش بيركز فى التليفزيون اوى
ولو بيركز كفايه اووووووى نص ساعه
-بنتى ماعندهاش حصيله لغويه ماكنتش بتكلم معاها وبالتالى لما بدات تتكلم ما كانش عندها مخزون مخ الاطفال زى الخزان لو مش مليان ميه الحنفيه مش هتنزل نقطة مية
مخ الاطفال كدة لو مش مليان كلمات اللسان و الفم مش هينطق بشكل سليم وهيكون فيه تأخر لغوى
-انا مش محتاجه اخصائيه انا اقدر اعدل نطق بنتى و اعملها جلسات تخاطب فى البيت طالما حالتها مش سيئه بدرجه كبيرة كل الموضوع هو حشو مخ الطفل بكلمات ومصطلحات كتير يقدر يعبر بيها عن اللى عاوزة
-لو ابنك بيشاور على لعبه وتجيبيهاله من غير ما تقولى اسمها ولا هو يتعب نفسه ويحاول ينطقه ما تجيش تشتكى انه متأخر فى الكلام
- الانانيه والعنف سلوك بيعبر بيه الطفل عن كيانه عاوز يقول انا موجود وطبعا انتى بتزوديها مع ابنك لما تكون كل طلباته مجابه بدون قيود ولا شروط بيفهم ان كل حاجه فى الكون بتاعته لوحده ومش من حق اى حد يشاركه فيها
وبدأت فى التنفيذ
-التليفزيون منعته الا نادرااااااااا ويادوب تتفرج على براعم شويه صغيرين
-بدات اخدها ونخرج كتير نروح حدائق عامه واخد معايا فى الشنطه حلويات - عصير - شيكولاته - لبان واول ما نشوف اطفال اقولها خدى ادى لاصحابك وبقت تشوف البسمه على وشهم وهم بيشكروها على الحلويات بدأت تفهم ان فيه حاجه اسمها مشاركه وان الفرحه مش انك تاخدى كل حاجه لوحدك بالعكس لما تدى لاصحابك ويحبوكى هتفرحى اكتر
-بدأت اغير سلوكى معاها فى البيت واقعد معاها واديها من وقتى ونلعب سوا او نحكى قصص او نعمل اشكال بالورق ونرسم ونلون ونتكلم وكل ما عينها تقع على حاجه اقولها اسمها واوصفها  (دى قطه - دة كتاب - دى بنت - دى سيارة لونها احمر - دى ورده ريحتها حلوة - بابا فين؟ - اختك اسمها ايه ؟ - يلا نروح الحديقه ....) واطلب منها تكرر كلامى
(دى سيارة لونها ابيض .. دى ايه؟ تقول سيارة .. اقولها قولى سيارة لونها ابيض ) وهكذا
-بدأت احكيلها قصص واعملها مسرحيه بالعرايس واحكيلها ان العروسه دى مش بتلعب حد معاها كدة صح ولا غلط؟ تقول غلط ونكمل طيب شوفتى هى غلطت علشان كدة اصحابها زعلو منها ومش عاوزين يلعبو معاها ولازم تكون شاطرة وتحب اصحابها وتلعب معاهم ...... الخ
والحمد لله رب العالمين التغيير بدأ بالتدريج
النتيجه ماكانتش من يوم وليله لكن خلال شهور بنتى اتغيرت 180 درجه للافضل ولسه انا مستمرة فى نفس الاسلوب و الجانب الايجابى انى بقيت ام شاطرة و مثقفه وبدأت اتلاشى الاخطاء دى مع بنتى التانيه

اسفه لو طولت عليكم بس حبيت افيدكم بالتفاصيل كلها ويارب يكون حد فعلا استفاد من تجربتى مع بنتى
استودعكم الله
Laughing


الرجوع الى أعلى الصفحة اذهب الى الأسفل
Shaymaa Al-okaily



عدد المساهمات : 155
إنجازك : 18
تاريخ التسجيل : 23/02/2015

مُساهمةموضوع: رد: عملت فيها اخصائية تخاطب وتعديل سلوك   الإثنين مارس 30, 2015 11:24 am

@سمسمه كتب:
السلام عليكم ورحمه الله وبركاته

النهاردة اول يوم ليا فى المنتدى الرائع دة
حبيت اول مشاركه اكتبها تكون تجربة ناجحه مريت بيها وحابه افيد بيها القمرات اللى هيقرأو موضوعى لعل وعسى تكون واحده منكم بتواجهها نفس المشكله وتعرف ان مفيش حاجه اسمها صعب او مستحيل
نبدأ الحكايه بتفاصيل صغيره
انا ام عاديه متعلمه (لكن ما كنتش مثقفه) وياريت تحطو تحت مثقفه دى مليوووون خط
التعليم والشهادة حاجه والثقافه حاجه تانيه خاااااااااالص
المهم المشكله اللى قابلتنى مع بنتى الكبيرة كنت ام لاول مرة ما اعرفش معلومات كتير فاهمه ان الطفل دة ياكل ويشرب ويقعد يلعب مع نفسه و ابقى انا كدة ام شاطرة طالما بنتى قاعده بتلعب وهاديه مع نفسها
بحكم الغربه والوحده طول اليوم بابى مقفول عليا انا وبنتى لا بشوف حد ولا حد بيشوفنى ولا بنتى بتشوف اطفال الا مرة فى الاسبوع لما بنخرج
بدأت بنتى تكمل سنتين و كلامها قليل جدااااااا وكل ما تشوف اطفال لازم تتخانق معاهم وتضربهم و بدات الاحظ فهيا طبع الانانيه
واقول يارب ايه اللى حصلها دى هاديه فى البيت وغلبانه
واكتشفت الطاااااامه الكبرى
بنتى متأخرة فى الكلام شويه - أنانيه شويتين تلاته عشـــــــــــــــرة - عنيفه جداااااااا
طب اعمل ايه ؟؟
طبعا اكتئبت وكل موقف يحصل مع بنتى وتضرب طفل ببقى هتجنن
وبدأت ادور على اخصائية تخاطب وتعديل سلوك اودى بنتى ليها او اجيبها البيت عندى تعالج بنتى و تبقى اهدى شويه حتى لو هدفع مبلغ كبير مش مهم المهم بنتى تبقى طفله هاديه وتحب الاطفال لانها مش بس بتبقى انانيه معاهم لا الجديد انى خلفت بنت تانيه والكبيرة بقت متسلطه جدااااا على الصغيرة
مش عاوزة تسيبها تلعب ولا تاكل ولا حتى بتخلينا نشيلها
دورت كتير و يوم ما الاقى اخصائيه تكون مش فاضيه او الاقى فى مكان بعييييد عن بيتى
بس زى ما بيقولو (لم أيأس أبداااااا )
قولت ليه انا ما اعدلش سلوك بنتى ؟ ماحدش هيحس بيها ويفهمها اكتر منى وبالتالى ماحدش هيقدر يعدل سلوكها افضل منى
طب انا مشكلتى ايه؟؟؟
مشكلتى انى مش عارفه اعمل معاها ايه علشان تتكلم كويس - تبطل انانيه - تبطل عنف وتحب الاطفال !!
طب انا ناقصنى الثقافه ؟ ناقصنى اكون مثقفه وعندى معلومات تفيدنى فى تربية بنتى وتعديل سلوكها؟؟
طب والحل ؟
الــــــــــــــــــــــــــنت
ايوة يا قمرات النت اللى موجود فى كل بيت دلوقتى
شبكة المعلومات اللى مش بنستفيد منها حاجه غير اننا ندور على طريقة عمل صينية البطاطس باللحمه الضانى او صينية اللازانيا  Evil or Very Mad
(طبعا دة موضوع تانى عاوز له قعده حلوة )
قررت وحطيت قدامى هدف وسعيت فى تحقيق هدفى بعد ما توكلت على الله واستعنت بيه
بدات ابحث عالنت على مقالات علميه وفيديوهات على اليوتيوب اعرف منها ازاى اتصرف مع الطفل العنيد وايه سبب تأخر بنتى فى الكلام وازاى اعالج التأخر دة
ووصلت للآتى :
تأخر الكلام انا السبب فيه
-سبتها قدام التليفزيون فترات طويله والمفروض الطفل العادى يقعد اقصى حاجه ساعتين لو مش بيركز فى التليفزيون اوى
ولو بيركز كفايه اووووووى نص ساعه
-بنتى ماعندهاش حصيله لغويه ماكنتش بتكلم معاها وبالتالى لما بدات تتكلم ما كانش عندها مخزون مخ الاطفال زى الخزان لو مش مليان ميه الحنفيه مش هتنزل نقطة مية
مخ الاطفال كدة لو مش مليان كلمات اللسان و الفم مش هينطق بشكل سليم وهيكون فيه تأخر لغوى
-انا مش محتاجه اخصائيه انا اقدر اعدل نطق بنتى و اعملها جلسات تخاطب فى البيت طالما حالتها مش سيئه بدرجه كبيرة كل الموضوع هو حشو مخ الطفل بكلمات ومصطلحات كتير يقدر يعبر بيها عن اللى عاوزة
-لو ابنك بيشاور على لعبه وتجيبيهاله من غير ما تقولى اسمها ولا هو يتعب نفسه ويحاول ينطقه ما تجيش تشتكى انه متأخر فى الكلام
- الانانيه والعنف سلوك بيعبر بيه الطفل عن كيانه عاوز يقول انا موجود وطبعا انتى بتزوديها مع ابنك لما تكون كل طلباته مجابه بدون قيود ولا شروط بيفهم ان كل حاجه فى الكون بتاعته لوحده ومش من حق اى حد يشاركه فيها
وبدأت فى التنفيذ
-التليفزيون منعته الا نادرااااااااا ويادوب تتفرج على براعم شويه صغيرين
-بدات اخدها ونخرج كتير نروح حدائق عامه واخد معايا فى الشنطه حلويات - عصير - شيكولاته - لبان واول ما نشوف اطفال اقولها خدى ادى لاصحابك وبقت تشوف البسمه على وشهم وهم بيشكروها على الحلويات بدأت تفهم ان فيه حاجه اسمها مشاركه وان الفرحه مش انك تاخدى كل حاجه لوحدك بالعكس لما تدى لاصحابك ويحبوكى هتفرحى اكتر
-بدأت اغير سلوكى معاها فى البيت واقعد معاها واديها من وقتى ونلعب سوا او نحكى قصص او نعمل اشكال بالورق ونرسم ونلون ونتكلم وكل ما عينها تقع على حاجه اقولها اسمها واوصفها  (دى قطه - دة كتاب - دى بنت - دى سيارة لونها احمر - دى ورده ريحتها حلوة - بابا فين؟ - اختك اسمها ايه ؟ - يلا نروح الحديقه ....) واطلب منها تكرر كلامى
(دى سيارة لونها ابيض .. دى ايه؟ تقول سيارة .. اقولها قولى سيارة لونها ابيض ) وهكذا
-بدأت احكيلها قصص واعملها مسرحيه بالعرايس واحكيلها ان العروسه دى مش بتلعب حد معاها كدة صح ولا غلط؟ تقول غلط ونكمل طيب شوفتى هى غلطت علشان كدة اصحابها زعلو منها ومش عاوزين يلعبو معاها ولازم تكون شاطرة وتحب اصحابها وتلعب معاهم ...... الخ
والحمد لله رب العالمين التغيير بدأ بالتدريج
النتيجه ماكانتش من يوم وليله لكن خلال شهور بنتى اتغيرت 180 درجه للافضل ولسه انا مستمرة فى نفس الاسلوب و الجانب الايجابى انى بقيت ام شاطرة و مثقفه وبدأت اتلاشى الاخطاء دى مع بنتى التانيه

اسفه لو طولت عليكم بس حبيت افيدكم بالتفاصيل كلها ويارب يكون حد فعلا استفاد من تجربتى مع بنتى
استودعكم الله
Laughing



حقيقي تسلم ايديك...بجد ممتاز

شابوووو Smile
الرجوع الى أعلى الصفحة اذهب الى الأسفل
سمسمه



عدد المساهمات : 14
إنجازك : 8
تاريخ التسجيل : 28/03/2015
العمر : 27

مُساهمةموضوع: رد: عملت فيها اخصائية تخاطب وتعديل سلوك   الإثنين مارس 30, 2015 8:25 pm

["Shaymaa Al-okaily"]

حقيقي تسلم ايديك...بجد ممتاز

شابوووو Smile

تسلميلى يا قمر
جزاكى الله خيرا على ردك وعلى المنتدى الجميل ده ربنا يجعله فى ميزان حسناتك
الرجوع الى أعلى الصفحة اذهب الى الأسفل
arwa abbas



عدد المساهمات : 61
إنجازك : 32
تاريخ التسجيل : 16/03/2015

مُساهمةموضوع: رد: عملت فيها اخصائية تخاطب وتعديل سلوك   الإثنين مارس 30, 2015 11:47 pm

ياااااااه نفس مشكلتي بس زيادة عليها انه كان عنده ميه علي ودنه والحمد لله عالجتها
هو عنده 3 سنين وشوية ويدوبك بيقول جمل بسيطة وفي كلمات كتيرة لسه مايعرفهاش حتي اسمه
والسبب كمان انه كان بيتنح قدام طيور الجنة بالساعات
الرجوع الى أعلى الصفحة اذهب الى الأسفل
Shaymaa Al-okaily



عدد المساهمات : 155
إنجازك : 18
تاريخ التسجيل : 23/02/2015

مُساهمةموضوع: رد: عملت فيها اخصائية تخاطب وتعديل سلوك   الأربعاء أبريل 01, 2015 8:20 am

@arwa abbas كتب:
ياااااااه نفس مشكلتي بس زيادة عليها انه كان عنده ميه علي ودنه والحمد لله عالجتها
هو عنده 3 سنين وشوية ويدوبك بيقول جمل بسيطة وفي كلمات كتيرة لسه مايعرفهاش حتي اسمه
والسبب كمان انه  كان بيتنح قدام طيور الجنة بالساعات
الموضوع محتاج تعدد المحاولات Smile

الله المستعان بالصبر الامور هتتحل

الله المستعان
الرجوع الى أعلى الصفحة اذهب الى الأسفل
سمسمه



عدد المساهمات : 14
إنجازك : 8
تاريخ التسجيل : 28/03/2015
العمر : 27

مُساهمةموضوع: رد: عملت فيها اخصائية تخاطب وتعديل سلوك   الأحد أبريل 05, 2015 7:39 pm

@arwa abbas كتب:
ياااااااه نفس مشكلتي بس زيادة عليها انه كان عنده ميه علي ودنه والحمد لله عالجتها
هو عنده 3 سنين وشوية ويدوبك بيقول جمل بسيطة وفي كلمات كتيرة لسه مايعرفهاش حتي اسمه
والسبب كمان انه  كان بيتنح قدام طيور الجنة بالساعات
دلوقتى دورك ياقمر
طيور الجنه دى اسوأ قناة شفتها فى حياتى وفعلا اكثر القنوات تأثيرا على الاطفال بالسلب
ابداى مع ابنك وساعديه ينطق كويس هو محتاج منك اهتمام مش اكتر
ربنا يهديهولك ويباركلك فيه

@Shaymaa Al-okaily كتب:
@arwa abbas كتب:
ياااااااه نفس مشكلتي بس زيادة عليها انه كان عنده ميه علي ودنه والحمد لله عالجتها
هو عنده 3 سنين وشوية ويدوبك بيقول جمل بسيطة وفي كلمات كتيرة لسه مايعرفهاش حتي اسمه
والسبب كمان انه  كان بيتنح قدام طيور الجنة بالساعات
الموضوع محتاج تعدد المحاولات Smile

الله المستعان بالصبر الامور هتتحل

الله المستعان

Surprised
الرجوع الى أعلى الصفحة اذهب الى الأسفل
Shaymaa Al-okaily



عدد المساهمات : 155
إنجازك : 18
تاريخ التسجيل : 23/02/2015

مُساهمةموضوع: رد: عملت فيها اخصائية تخاطب وتعديل سلوك   الخميس أبريل 09, 2015 7:56 am

Smile

تسلم ايد القمر Smile
الرجوع الى أعلى الصفحة اذهب الى الأسفل
 
عملت فيها اخصائية تخاطب وتعديل سلوك
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
أكاديمية عقول خاصة بالأم والطفل :: ملكات المملكة :: أم محصلتش-
انتقل الى: