أكاديمية عقول خاصة بالأم والطفل
فرحة اكتملت بدخولك معانا منتظرينك Smile ضع بصمتك للتغير

أكاديمية عقول خاصة بالأم والطفل

اكاديمية عقول هي اكاديمية للأم والطفل .. الاشتراك للنساء فقط .... نعد الأمهات جيدا .. ليتمكنوا من تربية عقول المستقبل تربية سليمة على أسس دينية وبوعي عصري .... نرجو من الجميع أن تشاركونا بما لديكم
 
الرئيسيةالبوابةاليوميةس .و .جبحـثالأعضاءالمجموعاتالتسجيلدخول

شاطر | 
 

 كوني لهم كيفما أرادوا،،وقتما يريدون....

اذهب الى الأسفل 
كاتب الموضوعرسالة
Reham Abouzeid mamet leen



عدد المساهمات : 17
إنجازك : 7
تاريخ التسجيل : 09/04/2015

مُساهمةموضوع: كوني لهم كيفما أرادوا،،وقتما يريدون....   الأحد مايو 24, 2015 9:20 pm

إقري في التربية مفيش مشكلة وثقفي نفسك،وخدي دورات واحضري محاضرات وورش عمل ..ومالووو مش عيب
لكن أحب أصدمك مش هو ده اللي ابنك محتاجه،طفلك مش حاسس باللي بتعمليه من وراه،ولامدرك إنك بتعملي كل ده عشانه .
مرة كنت بقرا كتاب عن تربية الأطفال وازاي تفهمي الطفل وتتعاملي مع نفسيته،وفي نفس ذات اللحظة بزعق في الولاد عشان أركزفي القراية
لو يعرف الكاتب اني هعمل كده مكنش عمل المجهود ده كله عشان يوصل نصايحه لأمثالي،،ولو الولاد يعرفوا انه كتاب عشان اربيهم كانوا قالولي (بليه واشربي ميته)
كورساتك لنفسك،لتسليتك ولعلمك،هتفيدك أكتر ما هتفيد ولادك،أما الأمومة فملامحها من زمان مرسومة،،مش محتاجة هري كتير،،اي جديد عالعين والراس بس ميجيش علي حساب الأساس
لو هتوعديني انك هتطبقي عالأقل معظم اللي بتدرسيه ،وانك هتعوضي ولادك عن الاوقات اللي انشغلتي فيها عنهم بكتاب ولادورة هقولك "زيديني علما زيديني "
لكن لوانتي نفسك مش عارفة ومش ضامنة وكل اللي هتزيده الدورات انك هتنشغلي اكتر عن ولادك وهتبقي مضغوطة اكتر ومتعصبة ومشحونه ويادوب زادت مسئولياتك ،وهتشخطي في العيال عشان المحاضرة شغالة،وتنيميهم بدري من غير قصة قبل النوم ولا أذكار المساء عشان تلحقي معاد المحاضرة ومش بعيد بعلقة سخنه ؛يبقي اسمحيلي اقولك واقول لنفسي:
لا....نقطة ومن أول السطر
متتعبيش نفسك ولاتكلكعي الدنيا ،الأمومة أبسط من كده ،بس مطلوب منك شوية تركيز علي قلبك،خلي عقلك علي جمب شوية (في المهمة دي بالذات)
في المهمة دي بالذات خلي قلبك هو القائد ومعاه ابنك.....
أيوةةةة..ابنك هيكون القائد بتاعك في الشغلانه دي ،وهتتعلمي منه أحلي علام
فقط.........سبيله نفسك.........
-لما يندهلك ردي بحماس
-لمايعوزيلعب لاعبيه،،واللعبه اللي هو عاوزها مش اللي قريتي انها مفيدة،مش لازم دايما اللعب يكون موجه وهادف ومدروس،إسعاده في حد ذاته هدف والهدف الأهم علي الإطلاق
-لمايعوز يقرا اقري معاه،لما يعوز يرسم ويشخبط ،شخبطوا سوا،لما يعوز يتجنن اتجنني معاه،،بس متتجننيش عليه
الرجوع الى أعلى الصفحة اذهب الى الأسفل
Reham Abouzeid mamet leen



عدد المساهمات : 17
إنجازك : 7
تاريخ التسجيل : 09/04/2015

مُساهمةموضوع: رد: كوني لهم كيفما أرادوا،،وقتما يريدون....   الأحد مايو 24, 2015 9:23 pm

الموضوع بيتنسخ ناقص حتة ،،هو في حدود للحجم ؟!
الرجوع الى أعلى الصفحة اذهب الى الأسفل
Reham Abouzeid mamet leen



عدد المساهمات : 17
إنجازك : 7
تاريخ التسجيل : 09/04/2015

مُساهمةموضوع: رد: كوني لهم كيفما أرادوا،،وقتما يريدون....   الأحد مايو 24, 2015 9:26 pm

لمايحب يتزغزغ زغزغيه(وبمناسبة الزغزغة صاحبتي كانت لو زغزغت بنتي فجأة مع بنتها بنتي تزعل وتتعصب فا صاحبتي بقت لما تيجي تزغزغها تستأذن "أزغزك يا لولي؟!"وانا كنت بتضايق من بنتي ،لكن بالعكس شوفي هي عاوزة ايه وامتا؛انتي بتلاعبيها هي مش بتلاعبي نفسك .
سبيله نفسك.........
-هيقولك هستخبي ياماما ودوري عليا ..وافقي
-هيضربك ويجري عشان تجري وراه..إجري
-هتلاقيه عاوزيمسك المقص ويقصقص وبس..سبيه..مش لازم الارنوب يطلع بالظبط زي الفيديو ،ومتتعصبيش منتيش داخله مسابقة،منتيييش.
-لو ناوية تقفليله الكرتون عشان الدراسات بتقول انه مضر،لاقيله بديل،مش تقفليله مصدر متعته الوحيدوتسيبيه يتخانق مع اخوه عشان انتي في المطبخ ومعاكي تليفون.
-لومش عاوزياكل(متضربيهوش،ومتزغطيهوش)،ولوهتقولي انه مش عارف مصلحته ،اعرفي انك انتي اللي مش عارفه انك كده بتؤذيه اكتر،ولو مكلش ارحمله واكرمله
-لوعاوزك تنامي جمبه شوية..نامي،متخافيش مش هيطلع خرع وابن امه
-ولوقالك نامي معايا لحد اما الشمس تطلع(طلب ابني)..اعمليها مرة..هتفرحي أكتر منه
مرة قريت نصيحة تربوية انك متجبريش طفلك انه يحب اصحابك وقرايبك،ويسلم عليهم ،هو مش مضطر ابدا انه يحب الاشخاص اللي بتحبيهم.،،وبعد فترة بحذر بنتي وبهددها لومسلمتش علي صحباتي،كان ردها بالنص:"بصي ياماما،انا اسلم علي صحباتي البنات وانتي تسلمي علي صحباتك الطنطات،واخويا يسلم علي اصحابه الولاد مش لازم كل واحد يسلم علي اصحاب التاني "!!!!!
قالتلي اللي قريته!!!
من غير ماتقراه!!!!
وكانت اصغر من خمس سنوات..مش بقولك سبيلهم نفسك ؟
الرجوع الى أعلى الصفحة اذهب الى الأسفل
Reham Abouzeid mamet leen



عدد المساهمات : 17
إنجازك : 7
تاريخ التسجيل : 09/04/2015

مُساهمةموضوع: رد: كوني لهم كيفما أرادوا،،وقتما يريدون....   الأحد مايو 24, 2015 9:27 pm

من الآخر؛كوني لهم كيفما أرادوا ،وقتما يريدون
والدنيا هتبقي حلوة خالص والله وهنعيش كلنا
وافتكري دايما قول رسولنا الكريم صلي الله عليه وسلم "ماوضع الرفق في شئ الا زانه ،ومانزع من شئ الا شانه
خلص الكلام،،باقي العمل ،وربنا يهدينا
المصدر:تجربة شخصية
الرجوع الى أعلى الصفحة اذهب الى الأسفل
سلمى فرزات



عدد المساهمات : 10
إنجازك : 7
تاريخ التسجيل : 10/04/2015

مُساهمةموضوع: رد: كوني لهم كيفما أرادوا،،وقتما يريدون....   الأحد مايو 24, 2015 9:45 pm

موضوع جميل الله يعطيك العافية معلومات جدا مفيدة
الرجوع الى أعلى الصفحة اذهب الى الأسفل
Reham Abouzeid mamet leen



عدد المساهمات : 17
إنجازك : 7
تاريخ التسجيل : 09/04/2015

مُساهمةموضوع: رد: كوني لهم كيفما أرادوا،،وقتما يريدون....   الأحد مايو 24, 2015 10:08 pm

ربنا يكرمك
الرجوع الى أعلى الصفحة اذهب الى الأسفل
نداء الحرية



عدد المساهمات : 12
إنجازك : 0
تاريخ التسجيل : 22/04/2015

مُساهمةموضوع: رد: كوني لهم كيفما أرادوا،،وقتما يريدون....   الإثنين مايو 25, 2015 10:29 pm

فعلا أنا بفرح أكثر منها لما بلعب معاها بناء على توجيهاتها وأنفذ اللي بتقول لي عليه حتى بريح دماغي شويه من التوجيهات وشدة الأعصاب.
الرجوع الى أعلى الصفحة اذهب الى الأسفل
أمانى عابد



عدد المساهمات : 9
إنجازك : 3
تاريخ التسجيل : 27/04/2015

مُساهمةموضوع: رد: كوني لهم كيفما أرادوا،،وقتما يريدون....   الأربعاء مايو 27, 2015 5:03 pm

رائع الموضوع فعلا.. سلمت يداك
الرجوع الى أعلى الصفحة اذهب الى الأسفل
Reham Abouzeid mamet leen



عدد المساهمات : 17
إنجازك : 7
تاريخ التسجيل : 09/04/2015

مُساهمةموضوع: رد: كوني لهم كيفما أرادوا،،وقتما يريدون....   الخميس مايو 28, 2015 11:16 am

شكرا حبيبتي .،مفيش لايك ليه هنا
الرجوع الى أعلى الصفحة اذهب الى الأسفل
amanyelshreef

avatar

عدد المساهمات : 34
إنجازك : 12
تاريخ التسجيل : 22/02/2015

مُساهمةموضوع: رد: كوني لهم كيفما أرادوا،،وقتما يريدون....   الجمعة مايو 29, 2015 5:20 am

موضوع جميل وملئ بالأفكار الجميلة والمبدعة ولكن حبيبتي يجب أن تزرعي روح التفاؤل في موضوعاتك فالقراءة جزء مهم في حياتنا ويجب تشجيع الأولاد على ذلك ,لو في يوم شعرتي إنها مالهاش فايده أكيد حاجات كتير في حياتنا هيكون مالهاش فايده فاصبري وثابري لأن القراءة بتزرع فينا الهدوء والسكينه وبنتعلم حاجات كتير منها سواء في تربيه الأولاد أو في حياتنا العامه فأول آيات القرءان هي (إقرأ) لأنها مفتاح كل شئ وكثير مننا تربي على أيدي أمهات لا تعرف القرءاة والكتابه ولكننا كنا في عالم مغلق لا يحيطه التكنولوجيا والمعلومات من كل مكان أما الأن فالطفل فعلا محتاج دراسه للخروج بأفضل ما عنده في عالم المالتي ميديا والتكنولوجيا المتنوعه وهذا بالإضافة لوقت اللعب والتسليه والنشاط وهو ما ستجدينه أيضا في كثير من الكتب بالطرق المبتكرة التي تنمي مهاراته وقدراته الإبداعية وبالفعل أنا إحدي المستفيدين من كورسات أكاديمية عقول في تربيه الأطفال ومعرفة هواياتهم وميولهم.

_________________
Amany Elshreef flower
الرجوع الى أعلى الصفحة اذهب الى الأسفل
Manalkadry



عدد المساهمات : 17
إنجازك : 1
تاريخ التسجيل : 24/04/2015

مُساهمةموضوع: رد: كوني لهم كيفما أرادوا،،وقتما يريدون....   الأربعاء يونيو 03, 2015 11:15 am

فعلا كلام رائع انا دايما كنت بشوف كده كل المحاضرات والدروس مش حتعمل حاجة قد ما تفرغنا من جوه ليهم هو ده اللي احنا فعلا ربنا يرزقنا بيه لانه الاحتياج الاول .
الرجوع الى أعلى الصفحة اذهب الى الأسفل
 
كوني لهم كيفما أرادوا،،وقتما يريدون....
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
أكاديمية عقول خاصة بالأم والطفل :: الكورس الصحفي-
انتقل الى: